حراك الشعب كي يرسم
كل لون يحطلو كلام
رسم لعقول في أرضها تخدم
عندها قيمة ومقام
والبلاد بالعلم تتقدم
ماشي هدرة لوهام
رسم طيور ما تتألم
وتحقق فالأحلام
وصغار تقرا وتتعلم
في يدها رافدة علام
فيه نجمة وهلال يتبسم
وتعيش في سلام
رسم جيش قوي ومنظم
النور فيه يغلب الظلام
رسم القانون هو لي يحكم
وبالعدل تسير الأحكام
ماشي الجلاد فيه يتحكم
تحت جناحو يكون خدام
خاصم الجهل وحارب الظلم
ورسمهم خاوة توام
على الإنسان رآه يقاوم
حط نقطة نظام
رسم جيل ما يتساوم
عندو نظرة للقدام
يمشي في سياسة العالم
محال يكون هدام
رسم بالفن وكرم القلم
بالسلم ديما رسام
شاعر الحراك الشعبي محمد تجاديت